As novas escritoras

Ainara foi a primeira nena en presentar un conto sen que ninguén llo pedise. E agora son Melody e María, porque así son as escritoras: escriben libremente un montón de páxinas.

• O mundo de Ismaíl é a historia que imaxinou Melody. En realidade, habería que dicir que foi descuberta por ela, porque é unha boa exploradora. Talvez antes soubo dun vello conto, Ismaíl o diminuto…
• A historia O regreso de Drago foi creada por María. Resultou toda unha gran sorpresa, xa que nos dixo que é a continuación do conto Ismaíl e Drago. O sorprendente é que foi escrito por Vanesa Bouzas no ano 2007, e que tamén era unha amiga de Ismaíl. Creo que María, se decatarse, ofreceunos un novo proxecto…

Ainara e o primeiro conto persoal

Estamos lendo algunhas historias de Ismaíl, que hai tempo chegaron ás miñas mans. Pero o máis sorprendente é que eles tamén son capaces de descubrir outras das súas historias, que nin eu mesmo coñecía. Ainara, por exemplo, é a descubridora da seguinte…

Había una vez un gnomo que se llamaba Ismaíl. Un día fue a dar un paseo con su perro Gustavo.
A Ismaíl  le apetecía ir al bosque para visitar a su amiga Fátima, pero a Gustavo le apetecía más ir al parque a jugar con la pelota.
Entonces, le dijo Ismaíl a su perro…

Ler máis…

A pequena fábrica de historias

Na nosa aula de 6º B temos unha pequena fábrica de historias, non hai ningunha dúbida. Estes contos, que son os últimos da terceira experiencia, son unha bonita mostra: falan de medos e perigos, pero tamén de amores e aventuras. Así e todo, o importante e a escritura e aprender a escribir, non que sexamos uns artistas. Iso xa se verá máis adiante…

[Artefacto empregado: As palabras poderosas]

• O perigo da praia, de Gemma Pena Méndez e Andrés Quintián Regueiro.
• O pesadelo de Pedro, de Meritxell Regueira Varela, Tania Astray López e Miguel Sánchez Carneiro.
• Un namorado inesperado, de María Pardo Piñón e Victoria Solar Sánchez.

Do home lobo ao lagarto mutante

Con estas historias e as do post anterior, xa usamos as ideas do caldeiro máxico para imaxinar e escribir. Tamén prestamos un atención especial ás fórmulas marabillosas. E como novidade, incluímos por primeira vez o xogo creativo das palabras poderosas. Despois dunha consulta na aula, acordouse que cada equipo, se así o escollían os seus membros, podería introducir nas súas historias dúas desas palabras: perla e lagarto.

[Artefacto empregado: As palabras poderosas]

• A maldición do home lobo, de Héctor Folgar Cameán e Ricardo Vázquez Pérez.
• O cetro do falcón, de Clara Rivas Cal e Nara Varela Novo.
• O susto de morte, de Carlos Peña Rodríguez e Andrea Moreno Rodríguez.
• O lagarto mutante, de Ainara Vicente Vázquez e Javier Suárez Conde.

Unha canción para o proxecto

María Silva é a realizadora deste vídeo, que xa coñeces. E temos o seu permiso para usalo, o que lle agradecemos moito. En Portugal tamén foi utilizado noutras escolas para unir as xentes a as súas culturas. E Nostromo, nas súas viaxes pola Terra e o universo, quen sabe o que atopará?

[Artefacto empregado: As palabras poderosas]

• A festa do Samaín, de Gloria Uzal Agra e Tania Astray López.
• Ismaíl e Pol, de Melody García Sánchez e Daniel Sande Campelo.
• Jaime e o diamante, de María Luisa Sáinz Calviño e Diego Prieto Fernández.
• O príncipe Skellie, de Miguel Sánchez Carneiro, Sara Regueira Arias e Salvador Porto Dopico.

Projeto "Sou Como Tu" - Vídeo Oficial from Robush on Vimeo.

O rei Tritón e outros contos

Por fin, as historias de quinto xa están publicadas, e así Nostromo poderá navegar polos outros mundos que hai que descubrir. Porque o compromiso é non deixar ningún conto, e tampouco abandonar a ningún tripulante. Pero debemos esforzarnos todos, os alieníxenas están aí fóra e teñen moi mala pinta…

• O neno traste, de Gemma Pena Méndez e Andrés Quintián Regueiro.
• O misterio da morte do rei Tritón, de Iago Sixto Otero e Meritxell Regueira Varela.

Novas aventuras de Ismaíl

Outra serie de historias que se corresponden coa segunda experiencia, do curso anterior, e que aínda non estaban publicadas nin foran antes compartidas. En cada unha delas hai un protagonista principal: Ismaíl. E por se acaso alguén pregunta, recoñezo que non sabía nada destas aventuras…

[Artefacto empregado: As fórmulas da marabilla]

• Ismaíl de vacacións, de Sara Regueira Arias e Daniel Sande Campelo.
• Ismaíl na terra dos pitufos, de Javier Suárez Conde e Viky Solar Sánchez.
• Ismaíl, o pirata músico, de Ricardo Vázquez Pérez e Gloria Uzal Agra.
• Ismaíl o superheroe, de Ainara Vicente Vázquez e Héctor Folgar Cameán.
• Ismaíl, un gnomo inventor, de Clara Rivas Cal e Salva Porto Dopico.